я шукала цябе..

я шукала цябе ў пустаце, хаця ведала, што гэта бессэнсоўна
я шукала на вуліцах памяці і мінулага веку
я прасіла аб дапамозе ў дурных непатрэбных прахожых
ўпэўнена ў тым, што цябе сярод іх нету
я прасіла прабачэньня ў тых, каго ведала толькі суткі
я крычала ўсё тое, што сціскалася ў камяк ўнутры
я шукала цябе там, у вышыні, хлуснёй забытая
і клікала цябе там дакладна гадзіны тры
я шукала цябе, а знаходзіла цені забітыя
і цябе пазнавала ў іх чырвоных ад гора вачах
цябе няма, толькі сонца засталося размытае
я шукала цябе, а знаходзіла ўсяго толькі жах
ў гранатавым дажджы маё сэрца больш не растае
пад апекай яно, і па ім ніяк не прайсці
я шукала цябе са сьлязьмі, шчасця не ведаючы
я знайшла цябе там, дзе вечна ідуць дажджы